நாமக்கல் ஆயுதப்படை பெண் காவலர் விஷம் குடித்து தற்கொலை செய்து கொண்ட நிலையில் நாமக்கல் போலீசார் விசாரணை நடத்தி வருகின்றனர்.

சேலம் மாவட்டம் ஆத்தூர் ஆர்.என்.பாளையத்தை சேர்ந்தவர் வைஷ்ணவி (33), இவர் நாமக்கல் ஆயுதப்படை காவலராக பணியாற்றி வந்தார். இவருக்கு திருமணம் ஆகி முதல் கணவர் விவாகரத்து ஆன நிலையில் ஈரோட்டில் பணிபுரிந்த போது உடன் பணிபுரிந்த காவலர் சேகர் என்பவரை 2 வதாக திருமணம் செய்து கொண்டார். சேகர் தற்போது நீலகிரி மாவட்டத்தில் பணிபுரிந்து வருகின்றார்.

பெண் காவலர் வைஷ்ணவி திருப்பூர் மாவட்ட ஆயுதப்படையில் பணியாற்றிய நிலையில் கடந்த மாதம் 22 ம் தேதி தான் நாமக்கல் ஆயுதப்படைக்கு பணியிடமாறுதல் பெற்று  பணிக்கு சேர்ந்தார். இந்த நிலையில் தான் நேற்று முந்தினம் 28 ம் தேதி ஆஞ்சநேயர் கோவில் அருகே உள்ள தெருவில் வாடகை வீட்டில் வசதித்து வந்த நிலையில் வீட்டில் இருந்த வைஷ்ணவி களைக்கொல்லி மருத்தினை குடித்து தற்கொலைக்கு முயன்றுள்ளார்.