நாமக்கல்லில் பயிற்சி பெற்ற மாணவியர் அணி தேசிய வாலிபால் போட்டியில் வெண்கலப் பதக்கம் வென்றனர். 

ஒடிசா மாநிலம் புவனேஸ்வரில் பள்ளி மாணவ மாணவியருக்கான 67வது “தேசிய வாலிபால் சாம்பியன்ஷிப்” போட்டிகள் நடைபெற்றது. இப் போட்டியில் கலந்து கொண்ட 14 வயதிற்குட்பட்ட தமிழக மாணவியர் அணி பஞ்சாப் அணியை வீழ்த்தி வெண்கல பதக்கம் வென்றது.

தமிழக அணிக்கான தேர்வு மற்றும் பயிற்சி முகாம் நாமக்கல் மாவட்டம் பரமத்தி வேலூர் RN ஆக்ஸ்போர்டு பள்ளியில் நடைபெற்றது. இந்த முகாமில் தமிழகம் முழுவதும் இருந்து தேர்ந்தெடுக்கப்பட்ட மாணவியர் கலந்து கொண்டனர். 15 நாள் பயிற்சிக்குப் பிறகு ஒடிசா மாநிலம் புவனேஸ்வரில் உள்ள KIIT (கலிங்கா) பல்கலைக்கழகத்தில் நடைபெற்ற 67 வது தேசிய பள்ளி மாணவ – மாணவியருக்கு இடையேயான வாலிபால் போட்டி டிசம்பர் 22 முதல் 26 ஆம் தேதி வரை நடைபெற்ற போட்டியில் பங்கேற்றனர். தமிழக மாணவியர் அணியின் பயிற்சியாளராக ருக்மான் அலி பணியாற்றினார். இப்போட்டியில் ஹரியானா, மேற்கு வங்கம், கேந்திரிய வித்யாலயா பள்ளிகள், ஹிமாச்சல் பிரதேசம் மற்றும் பஞ்சாப் அணியை வீழ்த்தி வெண்கல பதக்கம் பெற்று சாதனை புரிந்தனர். வெற்றி பெற்ற மாணவியருக்கு இந்திய ஹாக்கி சம்மேளனத்தின் தலைவர் திலீப் திர்க்கி அவர்கள் கேடயம், வெண்கல பதக்கம் மற்றும் சான்றிதழ்களை வழங்கினார். இந்நிகழ்ச்சியில் ஒடிசா மாநில கல்வி மற்றும் விளையாட்டு துறை அதிகாரிகள் உடன் இருந்தனர்.