நாமக்கல் மாவட்டம் ராசிபுரம் துணை மின்நிலையத்தில் வருகின்ற 23-ம் தேதி பராமரிப்பு பணி நடைபெறுவதால் அன்றைய தினம் மின்நிறுத்தம் செய்யப்படும் என அறிவிக்கப்பட்டுள்ளது.

இது குறித்து ராசிபுரம் மின்வாரிய செயற்பொறியாளர் சனநாயகம் வெளியிட்டுள்ள செய்திக்குறிப்பில் கூறியுள்ளதாவது:-

நாமக்கல் மாவட்டத்தில் அனைத்து பகுதிகளுக்கும் சீரான மின்சார விநியோகம் செய்வதற்காக, ஒவ்வொரு துணை மின் நிலையத்திற்கு உட்பட பகுதியிலும், மாதந்தோறும் பராமரிப்பு பணிகள் மேற்கொள்ளப்பட்டு வருகின்றன. அதன்படி, நாமக்கல் மாவட்டம் ராசிபுரம் துணை மின் நிலையத்தில் வரும் 23ம் தேதி மாதாந்திர பராமரிப்பு பணிகள் மேற்கொள்ளப்பட உள்ளது. அன்றைய தினம் காலை 9 மணி முதல் மாலை 5 மணிவரை மின்சாரம் நிறுத்தப்படும். இதனால் ராசிபுரம் அதன் சுற்றுவட்டார பகுதிகளில் மின்விநியோகம் இருக்காது.