காவிரி உபரிநீரை திருமணி முத்தாறில் இணைக்க கோரி மார்சிஸ்டு கம்யூனிஸ்ட் கட்சியின் சார்பில் எலச்சிபாளையத்தில் இருச்சக்கர வாகன பேரணி நடைபெற்றது.

ஆண்டு தோறும் அதீத கனமழை காரணமாக சேலம் மாவட்டம் மேட்டூர் அணை நிரம்பி தண்ணீர் வீணாக கடலில் கலக்கிறது. மேட்டூர் அணையில் இருந்து நாமக்கல் ஜேடர்பாளையம் தடுப்பணை வரை மொத்தம் 126 கிமீ தொலைவு உள்ளது. மேட்டூர் அணையில் இருந்து நீர் திறந்தால் நாமக்கல் மாவட்டத்தில் காவேரி கரையோரம் உள்ள விவசாய நிலங்கள் மட்டும் பாசன வசதி பெரும். ஆனால் உள் மாவட்டத்தில் உள்ள பகுதிகளில் போதிய நீர் கிடைக்காமல் இருக்கும் சூழல் நிலவுகிறது. எனவே காவிரி உபரிநீரை திருமணி முத்தாற்றில் இணைக்க வேண்டும் என்பது நாமக்கல் மாவட்ட மக்களின் பல ஆண்டுகால கோரிக்கையாகும், மேட்டூர் காவிரி உபரிநீரை திருமணி முத்தாறில் இணைத்தால் நாமக்கல் மாவட்டத்தில் 27 ஆயிரம் ஏக்கர் விவசாய நிலங்கள் பாசன வசதி பெரும், 70 க்கும் மேற்பட்ட ஏரிகள் மற்றும் குளங்கள் நிரம்பும், விவசாயத்திற்கு நீர் தட்டுப்பாடு ஏற்படாது.

எனவே,  காவேரி உபரி நீரை திருமணிமுத்தாற்றில் இணைக்க வேண்டும் என பலமுறை கோரிக்கை விடுத்தும் தமிழக அரசு எவ்வித நடவடிக்கையும் எடுக்கவில்லை எனக்கூறி நாமக்கல் மாவட்டம் எலச்சிபாளையம். மல்லசமுத்திரம் ஒன்றிய மார்க்சிஸ்ட் கம்யூனிஸ்ட் கட்சி சார்பில் இருசக்கர வாகன பிரச்சார பயணம் நடைபெற்றது. இதில் கட்சியின் எலச்சிபாளையம் மேற்கு ஒன்றிய செயலாளர் எஸ்.வெங்கடாசலம் நிகழ்ச்சிக்கு தலைமை வகித்தார் கிழக்கு ஒன்றிய செயலாளர் தேவராஜ் மாவட்ட குழு உறுப்பினர் பழனியம்மாள் ஆகியோர் முன்னிலை வகித்தனர்.

மார்க்சிஸ்ட் கம்யூ. கட்சியின் மாவட்ட செயலாளர் கந்தசாமி. மாவட்ட செயற்குழு உறுப்பினர்கள் வேலுசாமி, தங்கமணி, ஒன்றிய கவுன்சிலர் சுரேஷ், விவசாய சங்க மாவட்ட உதவி தலைவர் பூபதி உள்ளிட்டோர் நிகழ்ச்சியில் பேசினார். இதன் பின்னர் 100க்கும் மேற்பட்ட இருசக்கரன வாகனங்களில் பேரணியாகச் சென்று, பிரச்சாரம் செய்து பொதுமக்களிடம் கோரிக்கைகளை குறித்து விளக்கி எடுத்துரைத்தனர். இதில் கட்சி ஒன்றிய குழு உறுப்பினர்கள் ரமேஷ் .கிட்டுசாமி ஈஸ்வரன், மகேந்திரன்,சுரேஷ், மோகனப்பிரியா உட்பட பலர் கலந்து கொண்டனர்.

இதையும் படிங்க ; உலக முதலீட்டாளர்கள் மாநாடு – 2024 : நாமக்கல் மாவட்டத்திற்கு குவியும் முதலீடுகள்..!