நாமக்கல் தும்மங்குறிச்சியில் உள்ள அதிமுக அலுவலகத்தில் இன்று மாற்று கட்சியை சேர்ந்தவர்கள் அதிமுகவில் இணையும் நிகழ்ச்சி நடைபெற்றது.

நாமக்கல் அடுத்துள்ள தும்மங்குறிச்சியில் மாவட்ட அதிமுக தலைமை அலுவலகம் அமைந்துள்ளது. இங்கு ராசிபுரம் ஒன்றிய செயலாளர் வேம்பு சேகரன் மற்றும் ஒன்றிய துணைச் செயலாளர் மல்லிகா சின்னதுரை தலைமையில், கனகபொம்மன்பட்டி திமுக ஊராட்சி மன்றத் தலைவர் முத்துலட்சுமி மற்றும் அவரது கணவர் சிவகுமார் உள்ளிட்ட மாற்று கட்சியை சேர்ந்த 100 க்கும் மேற்பட்டோர் முன்னாள் அமைச்சர் தங்கமணி முன்னிலையில் அதிமுகவில் தங்களை இணைத்து கொண்டனர்.  புதிதாக இணைந்தவர்களுக்கு அதிமுக துண்டு அணிவித்து அவர்கள் பணி சிறக்க வாழ்த்தினார்.

இதில், அதிமுக முன்னாள் ஊராட்சி செயலாளர் ஜெயவேல், முன்னாள் ஊரட்சி மன்றத் தலைவர் மாதேஸ்வரி, தேவி, பி. கே. ரங்கசாமி ஆகியோர் உடனிருந்தனர்.

இதையும் படிங்க : நிலங்களில் இருந்து மண் எடுத்து வந்து நூதனமான முறையில் ஆர்ப்பாட்டத்தில் கிராம மக்கள்