நாமக்கல் மாவட்டத்தில் 6 சட்டசபை தொகுதிகளையும் சேர்த்து மொத்தம் 6,93,728 ஆண் வாக்காளர்கள், 7,38,383 பெண் வாக்காளர்கள், இதர வாக்காளர்கள் 196 என மொத்தம் 14 லட்சத்து 32 ஆயிரத்து 307 பேர் உள்ளனர். இறுதி வாக்காளர்பட்டியலில் புதியதாக சேர்க்கப்பட்டவர்களின் எண்ணிக்கை 28,892. கள விசாரணை செய்து நீக்கம் செய்யப்பட்டவர்களின் எண்ணிக்கை 16,228 ஆகும்.  மேலும், வாக்காளர்பட்டியலில் புதியதாக சேர்க்கப்பட்டவர்களுக்கு வாக்காளர் புகைப்பட அடையாள அட்டைகள் சம்பந்தப்பட்ட தபால் அலுவலகம் மூலமாக வழங்கப்படும்.

இறுதி வாக்காளர்பட்டியல் வெளியீட்டின் தொடர்ச்சியாக, 2024ம் ஆண்டிற்கான தொடர் திருத்தப்பணிகள் நடைபெற உள்ளது. 1.1.2024 அன்று 18 வயது பூர்த்தியடைந்தவர்கள் (அதாவது 31.12.2005 அன்றோ அல்லது அதற்கு முன்னரோ பிறந்தவர்கள்) தங்களின் பெயர்களை வாக்காளர் பட்டியலில் சேர்த்துக் கொள்ள விண்ணப்பிக்கலாம் என ஆட்சியர் தெரிவித்தார்.

மேலும், 17 வயது பூர்த்தியடைந்தவர்களும் தங்களின் பெயர்களை வாக்காளர் பட்டியலில் சேர்த்துக் கொள்ள விண்ணப்பிக்கலாம். இவர்களின் பெயரானது 18 வயது பூர்த்தியடையும் காலாண்டில் வெளியிடப்படும் வாக்காளர் பட்டியலில் இடம்பெறும்.

இதுவரை வாக்காளர் பட்டியலில் தங்களது பெயரினை சேர்த்துக் கொள்ளாதவர்களும், திருத்தங்கள் செய்ய
விரும்புபவர்களும் உரிய விண்ணப்பங்களை சம்மந்தப்பட்ட வட்டாட்சியர் / நகராட்சி அலுவலகங்கள் மற்றும் வருவாய் கோட்டாட்சியர் அலுவலகங்களிலும் அளிக்கலாம்.

இந்நிகழ்ச்சியில் மாவட்ட வருவாய் அலுவலர் மருத்துவர் ரெ.சுமன், வட்டாட்சியர் (தேர்தல்கள்) திருமுருகன், துறை சார்ந்த அலுவலர்கள் உட்பட அங்கீகரிக்கப்பட்ட அரசியல் கட்சினர் கலந்து கொண்டனர்.

இதையும் படிங்க : நாமக்கல் கவிஞருக்கு 20 லட்சம் ருப்பை மதிப்பில் சிலை